Coca-Cola Azerbaycan, Ramazan Kampanyası için “Nargis” Vakfı ile işbirliği yaptı
Coca-Cola “Nargis” Fondu ilə Ramazan xeyriyyə aksiyası keçirir
Coca-Cola Azərbaycan “Nargis” Fondunun təşəbbüsü ilə keçirilən müqəddəs Ramazan ayına həsr edilmiş xeyriyyə aksiyasına dəstək olur.
Təşəbbüs çərçivəsində aprel ayının 10-dan 14-dək Balaxanı qəsəbəsində beş böyük çadır qurulub. Beş gün ərzində Balaxanı və ətraf kəndlərin sakinləri çadırlara gələrək birlikdə İftar süfrəsi paylaşırlar. Eyni zamanda layihə çərçivəsində aztəminatlı ailələrə də yardım göstərilir.
“Azerbaijan Coca-Cola Bottlers” MMC-nin İctimaiyyətlə Əlaqələr və Kommunikasiya üzrə supervayzeri Aytən Məmmədovatəşəbbüsə qoşulmaqdan məmnunluq ifadə edib:
“Coca-Cola fəaliyyət göstərdiyi ölkələrdə yerli əhalinin adət-ənənələrinə hər zaman önəm verir. Milyonlarla insanının qeyd etdiyi, Azərbaycanda da xüsusi olaraq qeyd edilən Ramazan ayı müddətində cəmiyyətlə birlikdə olmaq məqsədilə bu təşəbbüsə qoşulduq. Hər kəsi Ramazan bayramı münasibətilə təbrik edirik”.
“Nargis” Fondunun bu təşəbbüsünə Coca-Cola ilə yanaşı bir sıra digər şirkətlər də qoşulub.
Qeyd edək ki, Coca-Cola Azərbaycan ölkədə sosial layihələrə dəstək olur, hər il müxtəlif təşəbbüslərə qoşulur. Coca-Cola Azərbaycan “Nargis” Fondunun 2019-cu ildən etibarən başlatdığı İftar çadırları təşəbbüsünün də əsas tərəfdaşlarındandır. Coca-Cola Azərbaycan haqqında daha ətraflı məlumat www.coca-cola.az saytındadır.
